Պատերազմը … աշխարհն ավելի լավը դարձնելու համար հրաշալի նախադրյալներ ունեցող երիտասարդներին ակամա մարդասպան ու ոչնչացնող է դարձնում:
Պատերազմը … աշխարհի լույսն ավելացնող մարդկանց, գեղեցիկ մտքերի, կյանքի ոչնչացումն է:
Պատերազմը … աշխարհից խռովելու հիմնավոր պատճառ է:
Պատերազմը … ապրելու ու ապրեցնելու համար պայքար ու մահ է:
Պատերազմը … ուժի ու խելքի մրցակցություն է, որի արդյունքում ոչնչանում է գեղեցիկն ու կյանքը:
Պատերազմը … հավասարեցնում է նույն ճակատագրին արժանացած մարդկանց, միավորում նրանց՝ հանուն ինքնապահպանման:
Պատերազմում հեշտ է հերոսանալը, դժվարը հանձնվելն է. հետևանքներն անկանխատեսելի են:
Պատերազմը … խաղաղ ժամանակներում պատերազմներին չպատրաստվելու արդյունք է նաև:
Պատերազմը … Փոքրերի արյունով ներկված աստիճանավանդակ է, որով փառքի գագաթն են բարձրանում Մեծերը:
Պատերազմը … պատմության էջերում սպիտակ թղթի վրա շարված սև տառերի ամբողջություն է, իսկ իրականում՝ մինչև կյանքի վերջ մարդուն ուղեկցող մղձավանջ:
Պատերազմը … խաղաղության ու մարդասիրության քարոզ է:
Պատերազմը … պատերազմը սովորեցնում է ատել նույնիսկ ամենաբարի սրտին ու ամենալուսավոր մտքին:
Պատերազմը … հանուն հաղթանակի մղվող պարտություն է:
