Սոնա Աբգարյան / Օ՜, միստեր պրեզիդենտ

By Arpi Voskanyan / 16/02/2020

Ապակու վրայից հուսահատությունս եմ քերում,
Եղունգներով:
Կոկորդս լի է գազազած մեղուներով,

Փեթակ եմ:
Ես կգոռամ,
Ու հազարավոր մեղուներ
Կսլանան դեպի քեզ,
Օ՜, միստեր պրեզիդենտ՝
Բզզան, թունավոր:
Մեղուները կատաղած
Ստվերներ կգցեն քաղաքի վրա:
Ականջներիցդ արյուն կհոսի,
Եվ դու կհալվես տաք մեղրի հոսքից:
Դա երանելի պահ է:
Քեզ համար:
Օ՜, միստեր պրեզիդենտ…